Mass Readings

Catholic Ireland

Liturgical Readings for : Thursday, 21st November, 2024
Readings in English
Next Sunday's Readings

CÉAD LÉACHT

Sliocht as leabhar Zachária 2:14-17
Abair amhrán agus déan gairdeas, a iníon Shíón;óir, féach, táimse ag teacht.

Abair amhrán agus déan gairdeas, a iníon Shíón;
óir, féach, táimse ag teacht chun cónaí a dhéanamh i do lár, a deir an Tiarna.

Ceanglófar a lán náisiún leis an Tiarna an lá sin;
beidh siad ina bpobal aige, agus cónóidh sé in bhur measc, Marys Presentation
agus aithneoidh tú gurbh é Tiarna na Slua a chuir chugat mé.
Ach beidh seilbh ag an Tiarna ar Iúdá,
mar a chomhroinn féin sa talamh naofa,
agus déanfaidh sé rogha de Iarúsailéim athuair.
Bíodh gach duine ina thost i láthair an Tiarna;
óir, tá sé ag éirí chun teacht amach as a áitreabh naofa.

Briathar an Tiarna Buíochas le Dia

Salm le Freagra Lk 1: 46-55
Freagra Óir rinne an Té atá cumhachtach nithe móra dom agus is naofa a ainm.

1. “Mórann m’anam an Tiarna,
agus rinne mo spiorad gairdeas i nDia mo Shlánaitheoir. Freagra

2. Óir dhearc sé le fabhar ar ísle a bhanóglaigh;
nmar féach, déarfaidh na glúine uile feasta gur méanar dom.
Óir rinne an Té atá cumhachtach nithe móra dom agus is naofa a ainm. Freagra

3. Tá a thrócaire ó ghlúin go glúin dóibh seo ar a mbíonn a eagla.
Thaispeáin sé neart a láimhe:
scaip sé an dream a bhí uaibhreach i smaointe a gcroí. Freagra

4. Leag sé prionsaí óna gcathaoireacha, agus d’ardaigh sé daoine ísle;
Líon sé lucht an ocrais le nithe maithe, agus chuir sé na saibhre uaidh folamh. Freagra
5. D’fhóir sé ar Iosrael a sheirbhíseach, ag cuimhneamh dó ar a thrócaire –
de réir mar gheall sé dar n-aithreacha – d’Abrahám agus dá shliocht go brách.” Freagra

Alleluia Véarsa            Mth 11: 28
Alleluia!  alleluia
“Is mó is méanar dóibh seo a chluineann briathar Dé agus a choimeádann é.
Alleluia

SOISCÉAL

Go raibh an Tiarna libh. Agus le do spiorad féin
Sliocht as an Soiscéal naofa de réir Naomh Matha 12: 46-50 Glóir duit, a Thiarna.
Síneadh Íosa a lámha faoina chuid deisceabal, dúirt: “Féach mo mháthair agus mo bhráithre!

Bhí Íosa ag caint leis na sluaite nuair a tháinig a mháthair
agus a bhráithre agus amuigh ag iarraidh labhairt leis.
Dúirt duine éigin leis:
“Feach, tá do mháthair agus do bhráithre lasmuigh ag iarraidh labhairt leat.”
Agus dúirt leis an té a d’inis dó é:
“Cé hí mo mháthair agus cé hiad mo bhráithre?”
Agus ag síneadh a láimhe faoina chuid deisceabal, dúirt:
“Féach mo mháthair agus mo bhráithre! óir, duine ar bith a dhéanfaidh toil m’Athar atá ar neamh, is bráthair dom é agus is siúr agus is máthair.”

Soiscéal an Tiarna. Moladh duit, a Chriost